അക്ഷയതൃതീയയില്‍ സ്വര്‍ണ്ണം വാങ്ങിയവരോട്

         സൌഭാഗ്യത്തിന്റെതും ഐശ്വര്യത്തിന്റെതുമായ ഒരു വര്‍ഷം സ്വന്തമാക്കിയ നിങ്ങള്‍ക്ക് എല്ലാവര്‍ക്കും ആശംസകള്‍.  ഇനി യാതൊരുവിധ ആശങ്കകള്‍ക്കും ഇടയില്ലാത്ത മുന്നൂറ്റിയറുപത്തിയഞ്ച് ദിവസങ്ങളാണ് വരാനിരിക്കുന്നത്. എല്ലാവരും സ്ഥിരമായി ലോട്ടറി എടുക്കുവാന്‍ മറക്കരുത്, ഏത് വഴിയാണ് ഐശ്വര്യം വരുന്നതെന്ന് പറയുവാനാവില്ലല്ലോ. കോടികളുടെ കച്ചവടം നടത്തിയ സ്വര്‍ണ്ണക്കടക്കാര്‍ പ്രത്യേകമായി ഇനി ഒന്നും ചെയ്യേണ്ടതില്ല. അവര്‍ക്ക് ഒരു വര്‍ഷത്തേക്കുള്ള എല്ലാ ഐശ്വര്യവും മെയ് ആറിന് തന്നെ കിട്ടിക്കഴിഞ്ഞു.
          സ്വര്‍ണ്ണം വാങ്ങിയവര്‍ ഇനിയുള്ള ഒരു വര്‍ഷം തങ്ങള്‍ക്ക് എന്തെങ്കിലും മോശം കാര്യം സംഭവിക്കുന്നുണ്ടോയെന്ന് കൂടി പരിശോധിക്കണമെന്ന് അഭ്യര്‍ഥിക്കുന്നു. ഒരുപക്ഷെ ഇത്തവണ വാങ്ങിയ സ്വര്‍ണ്ണം കുറഞ്ഞ് പോയത്കൊണ്ടോ മറ്റോ ആണ് അങ്ങനെ സംഭവിക്കുന്നതെങ്കില്‍ അടുത്ത തവണ ആ കുറവ് പരിഹരിച്ച് കൂടുതല്‍ വാങ്ങുന്നതിന് വേണ്ടിമാത്രമാണ് ശ്രദ്ധിക്കുവാന്‍ പറയുന്നത്. എല്ലാവര്‍ക്കും അക്ഷയത്രിതീയാശംസകള്‍.